Hindi ko alam kung bakit? Hindi ko alam ang dahilan. Hindi ko alam ang nangyari. Hindi ko alam kung papaano? Hindi ko alam kung nagkaroon ng himala? Hindi ko alam kung ano bang nagawa ko? Hindi ko alam magkakaganito. Hindi ko alam. Hindi ko talaga alam.

PWEDE PALA? PWEDE RIN PALA!?

Wala kasi akong binatbat sa kanila eh. Wala akong maipagmamalaki, Angat sila lahat sa akin. Wala akong kayang ipagyabang, Oo talo ako mas magaling sila sa akin.

Pero ito ang hindi ko maintindihan. Bakit ako?

Una di ako gwapo nga, mas gwapo sila, hindi pala kailangan magandang lalaki eh, pwede pala yun. Mataba ako, maganda ang katawan nila, hindi pala kailangan macho, pwede pala yun. Kuripot ako, sila mayaman, hindi pala kailangan ng pera, pwede pala yun. Average student lang ako , sila magagaling, sa pagsasalita pa lang ng ingles iwan ako, pero hindi pala kailangan na matalino, pwede pala yun. Puro ako pimples, sila makikinis, hindi pala kailangan na flawless, pwede pala yun. Angat sila sakin lahat, Talo ako sa bawat aspeto na maikukumpara, hindi pala kailangan maging perpekto sa mga mata nya, pwede pala yun.

Sa mga naging Ex-Bf nya, Crush, Manliligaw, at naka M.U. alam ko wala akong binatbat sa kanila. Pero isa lang ang alam ko na alam ko sa sarili ko na hindi ako talo sa kanilang lahat. Yun ay ang PAGMAMAHAL ko sa kanya, ang TIWALA nya sa akin, at kung gaano namin NAUUNAWAAN ang bawat isa.

Pero yung pure at tunay na pagmamahal, yung tapat na pag-ibig, yung mabuting intensyon, yung mga pangarap na nais mong matupad kasama siya, meron ako nun, yun pala yun. Yung respeto at tiwala para sa isa’t isa, alam mo yun, yung pagmamahal nyo sa isa’t isa.

Pwede pala yun.